Medlemsmøte

Torsdag 7. desember kl. 1900
Litteratursalen, Stormen bibliotek
Inge Strand

Her skal ingen ting kjøpes …

Inge Strands introduksjon til foredraget:
Etter ein periode på fleire tiår med kraftige endringar i næringsstrukturen i bygdene i Salten kom det ein reaksjon rundt 1920. Til då hadde den tradisjonelle næringstilpassinga gjennom hundreår, fiskarbondeøkonomien, møtt utfordringar – eller skal vi seie nye alternativ: Til dømes gjorde industri- og anleggsarbeid det mogleg å forlate fiskarbondetilværet, eller det gav rom for fleire former for mangesysleri enn tidlegare. Det førte òg til urbanisering som opna for ein aukande marknad for bondens produksjon, og med det meir pengar i omløp. Fiskarbonden kunne i større grad kjøpe varer som tidlegare vart produsert i hushaldet.

Denne utviklinga auka på under 1. verdskrigen, men etterpå kom det kraftige tilbakefall.

I foredraget «Her skal ingen ting kjøpes …» vil eg vise korleis eit bygdesamfunn i Salten handterte utfordringane i kjølvatnet av omslaget etter krigen og dei påfølgjande økonomiske krisene.

Bildetekst til toppbildet fra Arstad i Beiarn:
I mellomkrigstida vart sjølvberging på ny ein særs viktig faktor. Korndyrkinga auka i perioden, og vart òg utvida til kveitedyrking for å skaffe brødmjøl.

Møtet er gratis og alle interesserte er velkommen!